Yahova ya bu leta, na ya kola kuli ya vola; kigira mwa kola ubwoni ku Yahova, na si mwa hulira mwoyo gwigwe mba, kunangwa kigira yaga inkuva yiyi i duke ku mwinye. Na kalunu, henza, mbohololanga ive lero minyororo gyi veye ku mukono gugwo. Nu u va nu u lola bu'ahi kutsia Babuloni halala ninze, hamba, na inze nda ku linda bulahi; navutswa nu u va nu u lola nobudamano kutsia Babuloni halala ninze, ma u leke: henza, kivala kyosi ki veye imbiri wowo; aha u lola ni ha veye halahi, na ha kuduka ive kutsia ho nobulahi u tsie ho.
