Popular Bible Verses from Danyeli 8

Share

Na tsingulu tsitsye tsi la va tsinene ligali, navutswa si tsi la va netsingulu tsitsye mwene; na a la dividza neligennya, na a la menya bulahi nokukola ubulaliri buibwe; kandi a la dividza avetsingulu na avandu vatakatifu. Na ku miima gyigye a la kola ubugadi bu gase mu mukono gwigwe, na a lenenehidza mwene mu mwoyo gwigwe, na a la dividza avanyingi ava menyanga nelilemerwa: kandi a la singira kuhing'ana na Munene wa vanene; navutswa a la vunanywa bugira mukono.

Na ya mbolera, Henza, nda ku mannya aga liidza kuva ho inyinga yekiheri yobutima yeyo; kigira ga veye genyinga yekiheri ya lagwa. Ligondi likole lya wa lola, lya li netsinziga tsiviri, tsi veye avami va Media na Persia. Na ikole ya amaswa i veye mwami wa Bugreki: na lwiga lunene lu veye hagati ha tsirnoni tsyayo lu veye mwami wokutanga.