Popular Bible Verses from 2 Vakorintho 4

Share

inyinga kwinye ku vula kuhenza vindu vi lolekanga, navutswa ku henzanga vi ta lolekanga: kigira yivi vi lolekanga vi veye vyenyinga inkekeke; navutswa vindu vi ta lolekanga vi veye vyemihiga nemihiga.

Kigira yaga si ku twulidza ku mwoyo, navutswa kali mundu wetu wokwigodo ni yoneka, mundu wetu womugati a kolangwa muhya kazozo. Kigira lidambidzwa lyetu lyangu li veye lyenyinga inkekeke vutswa, li ku kiridzira ligali ligali musigo gwobukumi gwemihiga nemihiga

ku kupidzwa kivi tsimbega tsyosi, navutswa si ku kuminikeywi; ku genyerangwa, navutswa si ku twulidza ku mwoyo; ku dambidzangwa, navutswa si ku lekangwa; ku tsomangwa hasi, navutswa si ku dividzangwa

Navutswa ku veye na akiba yiyi mu viju vyobudohi, tsingulu tsinene ligali tsi duke kutwula ku Nyasaye, si tsi twula ku kwinye avene

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.