Popular Bible Verses from RUM 5

Share

Anyautu Allah nyatauka sayangAu ngan kitau, karnau Keristus mati batan endak kitau, masau kitau gi jemau bedusau.

Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

Lebia agi kitau riang karnau sengsarau, karnau kitau keruan sengsarautu mbuat kitau tekun. Ketekunan mbuat kitau ta'an diuji, mangku karnau ta'an diuji adau aghapan.

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus. Karnau kitau percayau ngan Diau, mangku Diau nulung kitau ngeruani keilu'an Allah. Mbak kini kitau la meghasaukanyau. Mangku kitau riang, karnau adau aghapan kitau ka meghasauka keagungan Allah.

Masau kitau gi malas, Keristus la mati batan endak kitau, masau diau ditetapka Allah, awuak kitau jemau ja'at.

Apau agi mbak kini, kitau la seilu'an ngan Allah karnau Keristus mati, mangku kitau cengki ka diselamatka jak di ukuman Allah karnau Diau.

Gegalau jemau la njadi jemau bedusau, karnau sughang jemau nidau ta'at. Luak itu pulau banyak jemau seilu'an agi ngan Allah, karnau sughang jemau diau ta'at ngan Allah.

Ukan itu ajau. Kitau riang pulau karnau keilu'an Allah itu, mangku kitau la seilu'an ngan Diau karnau Tuhan kitau Yesus Keristus.