Popular Bible Verses from GALATIA 6

Share

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

Empungan gi adau masaunyau, mela kitau iluak ngan gegalau jemau, apau agi ngan kantin-kantin seagamau.

Betetulunganla kamu nanggungka beban jemau. Ngan carau luak itula kamu na'ati perinta Keristus.

Jangan kamu tetipu! Allah nidau pacak dipusiakka. Setu diau ditanam, titu pulau diketam.

Amun jemau beperembak nurut serilaunyau, asilau kematian. Amun jemau beperembak nurut bimbingan Rua Allah, asilau idup selelamaunyau jak di Rua itu.

Kantin-kantinku, amun adau sughang kedapatan mbuat dusau, kamu diau idup na'ati Rua Allah mesti mbimbing jemautu ke jalan diau benagh. Anyautu kamu mesti ngerjauka titu ngan ngaligh sampai njagau diri kamu, supayau jangan bedusau pulau.

Amun sughang nyangkau diriau penting awuak nidau, jemautu mbu'ungi diriau. Bilang jemau mesti merisau diriau, apu kerjaunyau iluak apu nidau. Amun iluak, diau bulia meghasau bangga, nidau nanti mbandingkanyau ngan kerjau jemau. Karnau bilang jemau mesti mikul tanggungannyau sendighi.