Popular Bible Verses from RASUL 17

Share

Gegalaunyautu dikerjauka Allah, supayau ughangtu ndala'i Diau, kalu-kalu betemu ngan Diau, amun didala'i, empuak Allah sebenaghau nidau jawua ngan kitau.

Jak di sughang jemau ajau Diau mbuat gegalau bangsau ngan ngajung ughangtu mendam di gegalau deniau. Diau pulau netapka jak di penembai, kebilau ngan di manau ughangtu bulia idup.

Allah diau njadika deniau ini ngan gegalau isiau, Diautu Tuhan ngan nguasaui langit ngan deniau. Diau nidau mendam di keramat diau dibuat manusiau.

Diau la netapka aghi endak ngadili deniau ini ngan adil. Titu ka dikerjauka Sughang diau dipilia Allah. Mangku Allah la mbuktika titu ngan ngidupka Jemau itu jak di mati.”

Karnau asal kitau jak di Allah, kitau nidau bulia nganggap sipat Allah semegi ngan patung diau dibuat jak di emas, pirak ngan batu, diau dibuat ngan kepandaian manusiau.