Popular Bible Verses from 2 KURINTUS 4

Share

Kami nidau nyanauka setu diau kina'an, tapitu setu diau nidau kina'an, karnau diau kina'an jerang ajau, diau nidau kina'an selelamaunyau.

Itula sebapau kami nidau tekedan. Empuak badan kami tamba guyuk, ati kami maju diteguaka. Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

Kami diluatka di manau-manau, tapitu kami nidau nyera. Kami bingung, tapitu nidau putus aghapan. Kami disaraui, tapitu nidau kekela dienangka kami ajau. Kami diempaska enggut rubua, tapitu nidau mati.

Retau sergau itu adau di kami diau nidau beregautu diau luak guci dibuat jak di tana, mangku nyatau, bansau kuasau injil diau besaktu asalau jak di Allah ukan jak di kamini.

Ughangtu nidau percayau, karnau rua iblis diau nguasaui deniauni ngalangi rupu'an, supayau nidau ngerti ngan nidau nginak terang jak di ceritau iluaktu, ceritau keagungan Keristus diau luak gambaran Allah.

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.