Popular Bible Verses from 1 KURINTUS 12

Share

Rua Allah bekerjau di bilang jemau batan endak neguaka gegalau kitau.

Gegalau kamu umpamau badan Keristus. Bilang ughang dandanannyau.

Amun sutiak dandanan nanggung, gegalau dandanan diau lain nanggung pulau. Amun sutiak dandanan dipuji, gegalau dandanan diau lainau ngikut riang pulau.

Ngan diau sughang Ruatu ngenjuakka kuasau, mangku pacak ngiciak ngan pengertian. Ngan jemau lain Rua diau semegitu ngenjuakka kuasau, mangku diau pacak ngiciakka katau Allah. Ngan diau sughang agi Rua diau semegitu ngenjuakka kuasau, mangku pacak percayau nian. Ngan jemau lain Rua itu ngenjuakka kuasau, mangku pacak meghaduka jemau buidapan. Diau sughang dienjuakka kuasau ngadauka tandau nyelia, diau lain dienjuakka kuasau ngiciak luak sughang nabi. Adau diau dienjuakka kuasau mbidaka, manau diau Rua Allah manau diau ukan. Adau diau dienjuakka kuasau bekiciak basau rua. Adau pulau diau dienjuakka kuasau ngiciakka reti basau ruatu.

Gegalaunyautu dikerjauka Rua semegi. Bilang jemau dienju'i kuasau sesughangan nurut kendak Ruatu.

Ngan carau luak itu badantu nidau tebagi-bagi, mangku bilang dandanan sangi peratika.

Adau bemecam-mecam pengenjuak, anyautu gegalaunyau dienjuakka Rua semegi. Adau bemecam-mecam kerjau batan endak Tuhan, anyautu Tuhan gi sughang. Mangku adau bemecam-mecam carau ngerjauka kerjautu. Anyautu diau ngenjuakka kuasau ngan bilang jemau batan endak gegalaunyautu, itu Allah diau gi sughang itula.

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

Nyela, badantu ukan cuman badan ajau. Anyautu adau banyak dandanannyau.

Awuak dandanan badan diau dikiciakka litak nian, itula diau penting nian.

Misalau gegalau badantu cuman matau ajau, luak manau pacak ndengagh? Misalau gegalau badan telingau ajau, luak manau pacak ngembau? Kitau nginak, bansau Allah la netapka bada dandanan badantu. Bilang mecam ditetapka badahau nurut kendak Allah. Misalau gegalaunyau cuman semecam dandanan ajau, manau diau dikiciakka badan?