Popular Bible Verses from Roma 4

Share

Uma morara' nono-na hi pojanci Alata'ala. Bate mepangala' oa'-i, pai' pepangala'-na toe mporohoi nono-na. Toe pai' Abraham mpo'uli' tarima kasi ami'-mi hi Alata'ala, apa' naparasaya kamobaraka'-na Alata'ala mpopadupa' janci-na.

Ria lolita Alata'ala hi Abraham to mpo'uli' hewa toi: ”Kupajadi'-moko tuama wori' tauna hi humalili' dunia'.” Hi poncilo Alata'ala, Abraham jadi' tuama-ta omea, apa' mepangala'-i hi Alata'ala to mpotuwu' nculii' tomate, mepangala'-i hi Alata'ala to mpohowa' lolita-na mpokahangai' napa to ko'ia ria, alaa-na ria mpu'u-mi.

Yesus toe mpewai' woto-na rapatehi bona mpotolo' sala'-ta. Pai' oti toe Alata'ala mpotuwu' nculii'-i bona kita' jadi' monoa' hi poncilo-na.

Nau' uma-pi ria poncarumakaa-na Abraham mo'anai', bate mepangala' pai' ncarumaka Alata'ala oa'-i. Napangala' janci-na Alata'ala to mpo'uli': kahi'a-na mpai' jadi' tuama wori' tauna hi humalili' dunia'. Apa' kako'ia-na Abraham mo'anai', Alata'ala mpo'uli'-ki hewa toi: ”Muli-nu mpai' hewa betue' hi langi' kawori'-ra.”

Jadi', Alata'ala mpo'uli' kamonoa'-ta hi poncilo-na muntu' ngkai pepangala'-ta, bona napa to najanci Alata'ala toe tatarima hewa pewai' mara, bona hawe'ea muli Abraham bate mporata napa to najanci Alata'ala. Janci Alata'ala toe, uma muntu' bagia to Yahudi to mpo'inca Atura Pue'. Janci Alata'ala toe, bate bagia hema–hema to mepangala' hi Alata'ala hewa Abraham. Apa' Abraham jadi' tuama-ta omea.

Na'uli' hewa toi: ”Marasi' tauna to te'ampungi sala'-ra, pai' to tetawuhi-mi jeko'-ra. Marasi' mpu'u-ra, apa' Pue' Ala uma-pi mpotuntu' jeko'-ra.”

Apa' ria te'uki' hi Buku Tomoroli' to mpotompo'wiwi Abraham hewa toi: ”Abraham mpopangala' Alata'ala, pai' ngkai pepangala'-na toe Alata'ala mpo'uli' kamonoa'-na hi poncilo-na.”