Popular Bible Verses from Roma 13

Share

Kana tatuku'-mi kehi Pue' Yesus Kristus, tapoluba' tapo'enu' tatatane eo–eo-na hi rala katuwu'-ta. Neo'-pi tatuku' kehi manusia' to doko' mpe'ohai kahinaa nono-ra to dada'a.

Neo' mo'inta hi doo. Aga kakono-na ria oa' inta-ta hi doo. Inta-ta toe: kana mpoka'ahi' doo. Jadi', neo' taka'ohai mpobayari inta-ta toe. Apa' ane tapoka'ahi' doo, ta'ihii'-mi Atura Pue'.

Butu dua tauna kana mengkoru hi topoparenta to hi wongko-ta. Apa' uma ria mara topoparenta ane uma mporata kuasa ngkai Alata'ala. Pai' topoparenta to ria, bate napakatantu Alata'ala.

Bengi-na neo' timpaliu-mi, pai' neo' mehupa'-mi eo. Toe pai' kana tatadi kehi–kehi to hi kabengia-na, pai' tahenta-mi rewa mpanga'e to hi kabajaa-na.

Ane tapoka'ahi' doo-ta, uma-hawo tababehi to dada'a hi doo-ta toe. Jadi' ane ma'ahi'-ta, ta'ihii'-mi Atura Pue'.

Wai' hi hawe'ea tauna napa to toto-na rawai'-raka, ba paja'-i ba ongkoso' ntani'-na. Pengkorui tauna to toto-na rapengkorui. Bila' tauna to toto-na rabila'.