Popular Bible Verses from Pangila 22

Share

Aku'-mi to Lomo'-na pai' to Ka'omea-na. Aku' Pontepu'ua-na pai' Kahudua-na.”

Na'uli' Pue' Yesus: ”Neo' rata-amae', pai'-a mpohiwili kehi butu dua tauna ntuku' napa to rababehi.

Inoha' Tomoroli' pai' tobine to napemuai' Ana' Bima mpo'uli': ”Tumai-mokoi!” Butu dua tauna to mpo'epe lolita toi, kana mpo'uli': ”Tumai-mokoi!” Hema to ngkamara, tumai-mokoi! Hema to dota, mai-mokoi nginu ue to mpowai' katuwua', uma mingki' ni'oli.

Marasi' tauna to mpo'uja' pohea-ra duu'-na me'itu', apa' hira'-mi to rapiliu ngkoni' wua' kaju katuwua'. Hira' to rapiliu mesua' hi rala ngata toe ntara hi wobo'-na.

Na'uli' Pue' Yesus: ”Neo' rata-amae'! Marasi'-ra tauna to mpotuku' paresa' to te'uki' hi rala sura pelowa toi.”

Bengi uma-pi ria, pai' pue' ngata toe uma mparaluu lampu ba pehini eo, apa' Pue' Alata'ala moto-mi to mpohinii-ra. Moparenta-ra hewa magau' duu' kahae–hae-na.

Yesus mposabii' hawe'ea lolita toi, pai' na'uli': ”Makono! Neo' rata-ama.” Amin! Tumai-moko, Pue' Yesus! Pue' Yesus mpogane' hawe'ea topetuku'-na ngkai kabula rala-na. Amin

Hi butu dua tauna to mpo'epe lolita pelowa to hi rala sura toi ku'uli': Ane ria to mpodonihii napa–napa hi lolita sura toi, Alata'ala wo'o mpai' mpodonihii huku'-ra hante pesesa' to te'uki' hi rala sura toi. Pai' ane ria tauna to mpokurai' ba napa–napa ngkai lolita sura toi, Alata'ala wo'o mpai' mpokurai' bagia-na: uma-ra mpai' ma'ala ngkoni' wua' kaju katuwua', pai' uma-ra ma'ala mesua' hi rala ngata to moroli' toe, hewa to te'uki' hi rala sura toi.