Popular Bible Verses from Filipi 3

Share

Ompi'-ku omea, kupangaku' moto, ko'ia moroli' mpu'u-a hante uma-pi ria jeko'-ku. Aga hanyala to kubabehi: kulipo'-mi hawe'ea to kutilingkurihi, pai' kuhuduwukui mperapai to kunyanyohi. Aku' hewa tauna to motanta' mokeno: uma kupe'ili' to hi tilingkuria-ku, mokeno ncuu-a mperapai to kutoa'. Kuhuduwukui mpotuku' konoa Alata'ala, bona mporata-a mpai' parasee pedagia to nawai'-ka hi suruga–apa' toe-mi pai' nakio'-a jadi' mosidai' hante Kristus Yesus.

Kahinaa-ku mpu'u, doko' ku'inca-i-kuna Kristus, doko' kurasai baraka' to mpotuwu'-i nculii' ngkai kamatea. Doko' kurata kaparia hewa to narata, duu'-na ba mate-a hibalia hante Hi'a, bona rapotuwu' nculii' wo'o-a-kuwo mpai' ngkai kamatea.

Meliu ngkai toe, butu nyala-na ku'uli' mepakarugi omea-wadi, apa' to meliu kalompe'-na, mpo'inca-ama Kristus Yesus Pue'-ku. Jadi', kubahaka-mi hawe'ea to ntani'-na, kuponcawa momo-damo, bona ma'ala-a mporata Kristus

Hawe'ea toe owi ku'uli' rasi'-ku. Tapi' tempo toi ku'uli' mepakarugi-wadi, apa' muntu' Kristus-damo to kusarumaka.