Popular Bible Verses from Filipi 1

Share

Alata'ala moto-mi to mobago hi rala nono-ni mpobago bago to lompe', pai' kuparasaya pobago to natepu'u-mi tetu napokaliliu duu'-na hudu hi eo karata-na nculii' Kristus Yesus.

Jadi', toi-mi pomperapia'-ku hi Alata'ala, bona ahi'-ni katedoo–donihia karoho-na, pai' tedonihii wo'o kamonoto nono-ni pai' pe'inca-ni mpo'inca napa to natao nibabehi. Ane hewa toe-mokoi ompi', ni'inca mpu'u-mi mpelihi napa to meliu kalompe'-na. Mosampaya-a bona moroli' katuwu'-ni hante uma ria kasalaia'-na hi eo karata-na nculii' Kristus.

Apa' ane aku' tuwu', Kristus-mile to tuwu' hi rala tuwu'-kue. Pai' nau' ba mate-a, kurasi' lia.

Butu ngkani-na kukiwoi-koi ompi', ku'uli' oa' tarima kasi hi Pue'-ku, Pue' Alata'ala.

Jadi', nau' ba napa to jadi' hi aku', po'ingku-ni kana to masipato' hi tauna to mpotuku' Kareba Lompe' Kristus. Ba kupohirua'-pidi-kokoi mpai' ompi' ba uma-pi, kusarumaka ku'epe moto mpai' kareba to mpo'uli' katida pokore-ni, hanono pai' hintuwu'-koi mobago bona wori' tauna mepangala' hi Kareba Lompe'.

Konoa-ku pai' to kusarumaka lia, bona neo'-a mporata ea' hi pobago-ku toi. Kusarumaka bate bia' ncuu-a mpo'uli' posabi'-ku–peliu–liu-nami tempo toi-e–bona ba tuwu' ba mate-a, hanga' Kristus rapomobohe hi rala woto-ku.

Neo'-koi me'eka', apa' Alata'ala mpelihi-koi uma muntu' mepangala' hi Kristus, tapi' napelihi wo'o-koi bona mporata kaparia bona hanga' Kristus rapomobohe.