Popular Bible Verses from Yakobus 2

Share

Wae wo'o hante pepangala'-ta: ane ta'uli' mepangala'-ta hi Pue', pai' po'ingku-ta uma mpotuku' konoa-na, batua-na mepangala' mara-ta-wadi. Pepangala' to hewa toe, hewa pae to lopa'–uma ria ihi-na.

Jadi', hewa woto to uma inohaa', ta'uli' mate-imi. Wae wo'o pepangala'-ta, ane uma incana hi po'ingku-ta, hibali mate, uma ria kalaua-na.

Ompi'-ku hawe'ea! Napa-mi-hawo kalaua-na ane ta'uli' mepangala'-ta hi Pue', pai' po'ingku-ta uma mpotuku' konoa-na. Ha tebahaka-ta mpai' ngkai huku' jeko'-ta ane hewa toe-wadi pepangala'-tae? Uma-e'!

Ha tapangala' kahadudua-na-wadi Alata'ala-e? Makono moto tetu. Aga ane tetu-wadi, uma hono'! Bangku' seta-hawoe', rapangala' wo'o-rawo kahadudua-na-wadi Alata'ala. Toe pai' moridi'-ra nakeni eka'-ra.

Meka' ria mpai' to mpo'uli' hewa toi: ”To hadua ncarumaka hi pepangala'-na, to hadua ncarumaka hi kalompe' po'ingku-na.” Hiaa' aku' mpo'uli': uma-ko bisa mpopohiloi-a pepangala'-nu tetu-e ane uma lompe' po'ingku-nu. Aga aku', ngkai po'ingku-ku to lompe', kupopohiloi-koko karia-na wo'o pepangala'-ku hi Pue'.

Apa' tauna to uma ria ahi'-na hi doo-na, Pue' mpai' mpohuku'-i hante uma ria ahi'-na. Aga hi tauna to ma'ahi' hi doo-na, Pue' wo'o mpai' mpopohiloi-i ahi'-na hi eo pehukua'.

Monoto-mi tahilo kanapomonoa'-ra Alata'ala tauna to lompe' po'ingku-ra, uma wule' mepangala' mara-wadi.

Hi tutura tohe'e, monoto-mi tahilo: pepangala'-na Abraham incana hi po'ingku-na. Jadi', ma'ala-mi ta'uli' po'ingku-na toe mpakaroli' pepangala'-na.