Popular Bible Verses from Ibrani 12

Share

Ompi'–ompi'! Ma'ala-mi ta'uli': hawe'ea tauna to tuwu' owi toera, mokore-ra ntololikia-ta, pai'-ra mporohoi nono-ta hante posabi'-ra. Toe pai' ku'apui nono-ni: Mai tatadi hawe'ea to mpolintai-ta. Mai tatadi jeko' to mpentoe-ta, pai' kana ntaha-ta mpotuku' ohea to napakatantu-taka Alata'ala, hewa tauna to motanta'. Mata-ta mpototopa Yesus, Pangkeni-ta to mpotate ohea-ta pai' to mposipolea pepangala'-ta. Ntaha-i mpotodohaka kaparia duu'-na mate hi kaju parika'. Kamate-na hi kaju parika' toe anu me'eai' lia. Aga nau' wae, uma natapari, na'agi mate raparika', apa' napoimata–mata kagoea' to narata mpai' ngkabokoa'. Wae lau mohura-imi hi mali ngka'ana Pohuraa Alata'ala hi suruga.

Bula-ta raparesai' ba raweba', uma-ta goe', peda' ta'epe. Ngkabokoa'-na, ane monoto-ta-damo sabana paresa' toe, lompe'-mi katuwu'-ta, pai' monoa'-mi po'ingku-ta.

Kana tuwu' hintuwu'-koi hante hawe'ea tauna. Huduwukui-koi bona tuwu' moroli', apa' uma hema to mpohilo Pue' ane uma-ra moroli'.

Uma mowo kaparia to natodohaka Yesus mponyanyo tauna to dada'a to ncapuaka-i, duu'-na rapatehi-i. Ane koi' ompi', ria moto wo'o-ra-rawo tauna to dada'a to mpo'ewa-koi, aga hi rala panga'ea-ni mpo'ewa jeko', ko'ia-koi ria to rapatehi hewa Yesus. Jadi', penonoi-i Yesus, bona neo'-koi lente pai' mere' nono-ni.

Jadi', ompi'–ompi', apa' lawi' mporata-ta bagia hi rala Kamagaua' Alata'ala to uma ma'ala lengoa-e, toe pai' kana motarima kasi-ta pai' mepue'-ta hi Alata'ala ntuku' ohea to napokono. Kana tabila' pai' tapengkorui mpu'u-i

Kana ntaha-koi hi rala kaparia, niponcawa paresa' ba peweba' ngkai Tuama-ni to hi suruga. Alata'ala mpoparesai'-koi hewa hadua tuama mparesai' pai' mpoweba' ana'-na. Apa' uma-hawo ria ana' to uma naparesai' tuama-na.

apa' Alata'ala to tapue', hewa apu to memampuhi-i.

Totu'a-ta hi dunia' mpoparesai'-ta ba hangkuja mpae-wadi kahae-na. Paresa'-ra toe, ria kotoa-na, apa' raparesai'-ta ntuku' napa to lompe' hi poncilo-ra. Tapi' Alata'ala mpoparesai'-ta bona mporata to lompe'-ta, bona moroli'-ta hewa Hi'a.

Uma mowo kaparia to natodohaka Yesus mponyanyo tauna to dada'a to ncapuaka-i, duu'-na rapatehi-i. Ane koi' ompi', ria moto wo'o-ra-rawo tauna to dada'a to mpo'ewa-koi, aga hi rala panga'ea-ni mpo'ewa jeko', ko'ia-koi ria to rapatehi hewa Yesus. Jadi', penonoi-i Yesus, bona neo'-koi lente pai' mere' nono-ni.