Popular Bible Verses from 2 Korintus 9

Share

Mobaraka' lia-i mpowai'-koi hawe'ea rasi', duu'-na uma ria kakuraa'-ni ba napa–napa, mporata-koi hawe'ea to niparaluu ngkai Alata'ala. Patuju-na mpowai'-koi rasi' toe, bona nipakule' mpobago butu nyala pobago to lompe' mpotulungi doo.

Agina butu dua-na mewai' ntuku' kabula nono-na moto-hawo. Neo' mewai' hante susa' nono, neo' mewai' baha raparuku. Apa' Alata'ala mpoka'ahi' tauna to mewai' hante kagoe' nono.

Penonoi lolita tohe'i: To mohawu' hangkedi', hangkedi' wo'o-wadi-hawo to napepae. To mohawu' wori', wori' wo'o-hawo to napepae.

Alata'ala mpowai' hawua' hi topohawu', pai' nawai'-ta wua' polia'-ta jadi' pongkoni'-ta. Hewa toe wo'o mpai' Alata'ala mpogane' pewai' to niwai'-raka doo, bona kalompe' nono-ni toe mowua' wori'. Napoporasi'-koi mpai' hante butu nyala rasi', bona manara oa'-koi hi doo. Jadi', ane kikeni mpai' pewai'-ni hilou hi doo-ta to mpe'ahii' tuwu'-ra hi tana' Yudea-e, wori' tauna mpo'uli' tarima kasi hi Alata'ala.

Natao lia-ta mpo'uli' tarima kasi hi Alata'ala, apa' uma hudu ta'uli' kabohe pewai'-na hi kita'!