Popular Bible Verses from 1 Timotius 6

Share

Neo' nubahakai mpotuku' ohea pepangala'-ta, perohoi ngkakamu katuwua' to lompe' duu' kahae–hae-na. Apa' toe-mi patuju-na Alata'ala mpokio'-ko jadi' bagia-na, bona mporata-ko katuwua' to lompe' toe. Nakio'-ko jadi' bagia-na, pai' hi nyanyoa wori' tauna mpolia' nu'uli'-mi kanupangala'-na Pue' Yesus.

Apa' ngkai kampokahina-ta doi mehupa' wori' nyala kehi to dada'a. Ria mpu'u tauna to sese' mpali' doi, alaa-na meleli'-ramo ngkai pepangala'-ra, pai' wori' kasusaa' mporumpa'-ra.

Makono moto-di, po'agama-ta mpokeni rasi' bohe, asala rodo-mi nono-ta hante napa to ria hi kita'.

Apa' uma ria hanyalaa to takeni tumai hi rala dunia'. Pai' uma wo'o mpai' ria hanyalaa to takeni mpalai.

Ane tauna to mo'ua' hi rala dunia' toi, tudui'-ra bona neo' molangko nono-ra pai' neo' ncarumaka rewa dunia', apa' rewa dunia' uma ria katoroa'-na. Agina ncarumaka-ra Alata'ala to mpowai'-ta hawe'ea rasi' hante uma ria huka'-na bona tapokagoe'.

Aga tauna to doko' mo'ua', mojoli-ra rasori mpobabehi jeko', wori' kahinaa to mpohilu'-ra. Kahinaa-ra toe uma ria kalaua-na, mpokeni silaka lau-wadi. Ka'omea-na, manusia' to doko' mo'ua', monawu' hi rala jeko', alaa-na silaka-ramo.

Paresai'-ra bona mpobabehi oa' gau' to lompe', mpotulungi doo, jole' mewai', pai' lompe' nono-ra. Apa' ane lompe' po'ingku-ra hewa toe, ma'ala-mi ta'uli': mporumpu-ra rewa to lompe' hi rala suruga, to ma'ala rasarumaka hi eo mpeno-na, pai' mporata-ra katuwua' to lompe' mpu'u.