Popular Bible Verses from 1 Timotius 4

Share

Nau' mongura-pidi-ko, aga neo'-ko ma'ala rapemarua'. Kana jadi' tonco-ko hi ompi'–ompi' hampepangalaa' hi rala pololita-nu, pogau'-nu, ahi'-nu hi doo–doo, pepangala'-nu hi Pue', pai' po'ingku-nu to moroli'.

Apa' ane tarohoi wotoloka'-ta, hangkedi'-wadi kalaua-na. Tapi' ane tarohoi nono-ta mengkoru hi Alata'ala, wori' kalaua-na, apa' pengkoru-ta hi Alata'ala toe mpokeni rasi' hi katuwu'-ta tempo toi, pai' hi katuwu'-ta hi eo mpeno-na wo'o.

Jagai po'ingku-nu, pai' jagai wo'o tudui'-nu. Tida-ko mpobago hawe'ea toe, apa' ngkai toe mpai' mporata-ko kalompea', wae wo'o tauna to mpo'epe tudui'-nu.

Inoha' Tomoroli' mpo'uli'-taka hante kalonto'–lonto'-na napa mpai' to jadi' hi eo–eo to tumai. Nto'u toe mpai', hantongo' tauna mengkala'ura ngkai pepangala'-ra hi tudui' to makono. Mengkoru lau-ra hi noto to mepohala'tara, pai'-ra mpotuku' tudui' to ngkai seta.

Neo' nutadi tempo-nu mpewulihi' jarita–jarita boa' pai' lolita to uma mpokeni-ta mengkoru hi Alata'ala. Huduwukui mporohoi nono-nu mengkoru hi Alata'ala.

Kako'ia-ku rata, neo' nu'oloi' mpobasa Buku Tomoroli' hi ompi'–ompi' hampepangalaa', nu'apui nono-ra pai' nutudui'-ra.