Popular Bible Verses from 1 Petrus 5

Share

Tonu hawe'ea kakoroa'-ni hi Pue', apa' Hi'a to mpewili'-koi.

Pai' ane timpaliu-damo kaparia to hangkale'liu toe-e, Alata'ala moto mpakahono' to kura' hi koi': batua-na, narohoi, napomonoa' pai' napakatida-koi. Apa' Hi'a-mi pehupaa' hawe'ea ahi'. Hi'a to mpokio'-koi jadi' ana'-na, bona ngkai posidaia'-ni hante Kristus, mporata-koi bagia hi rala kabohe tuwu'-na to uma ria kahudua-na.

Mojaga pai' mo'inga'–inga'-koi! Apa' Magau' Anudaa' to jadi' bali'-ni, modao'–dao'-i hewa singa to mo'oa mpali' to ma'ala nahungongo'. Kana ni'ewa mpu'u-i hante pepangala'-ni to moroho. Apa' ni'inca moto ompi', hingka ompi' hampepangalaa'-ni hi humalili' dunia', rarata wo'o-rawo kaparia hewa to nirata-mi koi'-e.

Toe-mi ompi', pakadingki' nono-ni, pai' mengkoru-koi hi Alata'ala to mobaraka', bona napomolangko-koi ane rata-pi tempo-na.

Wae wo'o koi' to mongura-pidi umuru-ni, mengkoru-koi hi totu'a. Hawe'ea-ni himpau mpakadingki' nono pai' mometulungi. Apa' ”Alata'ala mpo'ewa tauna to molangko nono-ra, aga tauna to dingki' nono-ra napoka'ahi'.”