Popular Bible Verses from 1 Petrus 3

Share

Tonu katuwu'-ta hi Kristus, pai' pangaku'-mi kaHi'a-na-wadi Pue'-ta. Kana taporodo ami'-mi petompoi'-ta mpotompoi' tauna to mpekune'-ta napa pai' ncarumaka Alata'ala-ta. Aga tatompoi'-ra, hante lolita to mo'olu pai' hante nono to dingki'. Pai' uma ma'ala kasalaia' po'ingku-ta. Po'ingku-ta kana hewa to masipato' hi topetuku' Kristus, bona ane ria tauna to mpobalihi-ta, me'ea' huli' lau-ra-wadi mpai'.

Apa' Pue' mpewili' tauna to mpotuku' konoa-na, pai' na'epe pekakae-ra. Aga na'ewa tauna to dada'a gau'-ra.”

Ane doko' subo'-koi, neo' kasuboa' to hi mali-na-wadi, hewa mporampai wuluwoo' ba mpakancola woto hante bulawa pai' pohea to masuli' oli-na. Poko kasuboa' mpu'u-le, mehupa' ngkai rala nono-ta, hewa rapa'-na tobine to monono pai' to mo'olu kehi-na. Toe-hana kasuboa' to uma ria kabalia'-na, pai' to masuli' lia oli-na hi poncilo Alata'ala.

Hi rala Buku Tomoroli' te'uki' hewa toi: ”Hema to doko' goe' pai' lompe' tuwu'-na kana mpojagai wiwi-na bona neo'-i mpohowa' lolita to dada'a, pai' neo'-i mebagiu. Kana nabahakai gau' to dada'a pai' babehi-mi gau' to lompe'. Kana nahuduwukui mpali' kahintuwuaa' hi doo.

Ka'omea-na, tuwu' hintuwu'-ta omea, hameha' hawa' pai' hanono lau, momepoka'ahi' hewa to ntali ompi', lompe' nono pai' mpakadingki' nono hi doo. Ane ria tauna to mpodaa'-ta, neo' tapehawai hante to dada'a. Ane ralibui'-ta, neo' tatimalihi-ra. Agina-pi gau' to dada'a toe tapehawai hante mperapi'-raka gane' to lompe' ngkai Alata'ala. Apa' Alata'ala mpokio'-ta jadi' topetuku'-na bona mporata gane' to lompe' ngkai Hi'a.

Ha hema-hana to mpodaa'-tae ane tida-ta mpobabehi po'ingku to lompe'-e?

Kana nabahakai gau' to dada'a pai' babehi-mi gau' to lompe'. Kana nahuduwukui mpali' kahintuwuaa' hi doo.

Lompe'-di ane mporata kaparia-ta sabana ingku-ta to lompe', ane toe konoa Alata'ala hi kita'. Agina lau-pi toe, ngkai mporata kaparia sabana ingku-ta to dada'a.