Popular Bible Verses from 1 Korintus 9

Share

Tauna to motanta' toera, wori' nyala palia-ra, pai'-ra mpengkatarii butu nyala-na, apa' doko' mpu'u-ra mporata parasee. Parasee toe, wunga to molaju-wadi mpai'. Hiaa' kita', tapengkatarii butu nyala-na apa' mehina-ta mporata parasee to tida duu' kahae–hae-na. Tauna to motanta' mokeno, uma-ra mokeno hinyai', monoa' to ratoa'. Tauna to momejangkuru', uma uli' kadungkua-na pejangkuru'-ra. Wae wo'o aku', aku' ma'ala rarapai'-ki tauna to mokeno ba to mejangkuru', apa' uma-a mo'ingku hinyai'. Napa–napa to kubabehi, kubabehi bona mpotoa' parasee pedagia-ku toe mpai' ria.

Mpolati-a woto-ku, mpokuasai-a konoa-ku moto. Nee–neo' mpai' ka'oti-ku mpopalele Kareba Lompe' hi tau ntani'-na, aku' lau-mi to uma mporatai parasee.

Ompi'–ompi', ha uma ni'incai ane tauna to motanta' mokeno, mokeno omea moto-ra, aga hadua-wadi to mporata parasee. Koi' wo'o ompi' kana mo'ingku-koi hewa tauna to mpohuduwukui mokeno: huduwukui-koi mpotuku' konoa Alata'ala duu'-na mporata-koi parasee-ni.

Ane kupodohe-ra to ko'ia moroho pepangala'-ra, mo'ingku-a hewa hira', bona kutulungi-ra mpotuku' Kristus. Hi hawe'ea tauna tungkai' kubalii' po'ingku-ku, bona ane rii–ria ohea-na kana ma'ala-ra kukeni hi Kristus, nau' ba kampa' hantongo'-ra-wadi.