Popular Bible Verses from 1 Korintus 14

Share

Apa' konoa Alata'ala, bona tiapa' pogampara-ta, uma napokonoi to moguriwo'. Toe-mi atura to ratuku' hi hawe'ea pogamparaa to Kristen hi butu–butu ngata.

Jadi' ompi'–ompi', to kana tapopori'ulu mpu'u, mpoka'ahi'-ta doo. Pai' oti toe, kana tahuduwukui wo'o mporata pakulea' to ngkai Inoha' Tomoroli'. Pai' pakulea' to meliu mpu'u kamokalaua-na, pakulea' mpohowa' lolita Alata'ala.

Aga tauna to mpohowa' lolita Alata'ala-di, mpololitai manusia'-i. Lolita-na mporohoi nono doo, mpo'apui nono doo, mpotanta'u doo.

Tauna to mololita hante basa to ngkai Inoha' Tomoroli' mporohoi nono-na moto-wadi. Tauna to mpohowa' lolita Alata'ala mporohoi nono doo to morumpu hangkaa–ngkania.

Wae wo'o-hawo hante koi'-e ompi': ane mololita-koi hante basa to ngkai Inoha' Tomoroli', doo-ni uma mpo'incai kalaua-na. Jadi', apa' doko' rahi-koi mporata baraka' ngkai Inoha' Tomoroli'-e, wae-pi, agina merapi'-koi hi Pue' bona nawai'-koi pakulea' mporohoi nono doo to mogampara dohe-ni.