Popular Bible Verses from 1 Korintus 12

Share

Butu dua-ta, hore–hore rawai' pakulea' to ngkai Inoha' Tomoroli', bona ma'ala-ta mpobabehi to mokalaua hi doo.

Hewa Alata'ala mpopajadi' woto-ta ngkai wori' nyala bagia, wae wo'o koi' to wori' napajadi' hawoto lau-damo hi posidaia'-ni hante Kristus. Ma'ala-mi ta'uli', butu dua-ni bagia ngkai woto Kristus omea-koi.

Ane hadua peda', kita' omea ntodohaka dohe-na. Ane hadua ra'une', kita' omea goe' dohe-na.

Hi tau hadua Inoha' Tomoroli' mpowai' kapantea mololita. Hi to hadua-na Inoha' Tomoroli' to hibalia toe wo'o-wadi mpowai' pe'inca mpakanoto Lolita Alata'ala. Hi tau hadua Inoha' Tomoroli' toe mpowai' pepangala' to moroho. Pai' hi to hadua-na, bate Inoha' Tomoroli' to hibalia toe wo'o-i-wadi mpowai' kuasa mepaka'uri'. Hi to hadua rawai' baraka' mpobabehi tanda mekoncehi, hi to hadua-na rawai' pakulea' mpohowa' lolita Alata'ala. Hi to hadua-na wo'o rawai' pe'inca mpoposisala napa to ngkai Inoha' Tomoroli' pai' napa to bela ngkai Inoha' Tomoroli'. Hi tau ntani'-na rawai' pakulea' mololita hante basa to ngkai Inoha' Tomoroli'. Pai' hi to hadua wo'o rawai' pe'inca mpotoli batua-na basa toe bona ma'ala rapaha doo.

Hawe'ea toe, Inoha' Tomoroli' to hadua toe oa' wo'o-i-wadi pue' bago. Nabagi–bagi pewai'-na hi butu–butu dua-ta ntuku' kabotu'-na Hi'a moto.

Wae wo'o kita' to mepangala' hi Pue' Yesus: kita' omea hewa bagia–bagia ngkai woto to hameha' lau-wadi, pai' kana momepewili'-ta hadua pai' hadua, bona neo' ria posisalaa-ta.

Alata'ala mpowai'-ta wori' nyala pakulea' mpobago bago-na, hore mporata-ta pakulea' to mosisala. Aga hawe'ea pakulea' toe, pewai' ngkai Inoha' Tomoroli' to hadua lau-wadi. Wori' nyala pobago to tapobago-ki Pue', aga Pue' to tapobago-ki toe, hadua lau-i-wadi. Wori' nyala ohea-na Alata'ala mpopohiloi baraka'-na hi rala katuwu'-ta, aga Alata'ala to hadua toe wo'o-i-wadi to mpobago butu nyala-na hi rala katuwu' butu–butu dua-ta.

Pai' hi rala kahintuwuaa'-ta to Kristen, Alata'ala mohawa' bona hore–hore ria bago-ta: lomo'-na ria to jadi' suro-na, karonyala-na ria nabi to mpohowa' lolita-na, katolu-na ria to metudui'. Oti toe, ria to nawai' kuasa mpobabehi tanda mekoncehi. Oti toe, ria to nawai' kuasa mepaka'uri', ria to mporata pakulea' mpotulungi doo, ria to jadi' pangkeni, ria to mporata pakulea' mololita hante basa–basa to ngkai Inoha' Tomoroli'.

Ane tapekiri woto-ta, ria witi'-ta, ria pale-ta, pai' wori' nyala bagia ntani'-na. Uma habagia lau-wadi. Rapa'-na witi' mpo'uli': ”Aku', bela-a pale, jadi' bela-a bagia ngkai woto.” Aga nau' wae, bate bagia woto oa'-i witi' toe.

Kakono-na bagia woto-ta to hiloa-na lente lau-di to taparaluu lia-e.

Ane rapa'-na hawe'ea bagia woto-ta jadi' mata omea-mi, beiwa-ta pe'epe. Ba hawe'ea jadi' tilinga omea-wadi, beiwa-ta pe'enga'. Toe pai' Alata'ala mohawa' bona woto-ta rababehi ngkai wori' nyala bagia, butu nyala bagia natu'u hi woto-ta ntuku' konoa-na, hore–hore hi pontu'ua to taoa-na. Ane rapa'-na napahanyala lau-wadi hawe'ea bagia woto-ta, uma-ipi jadi' woto.