Popular Bible Verses from PONGORINAH 22

Share

Ahku tuh ijo pahtukoh tutang ijo kolaiuoh, ahku tuh Tuhan tahkan Pahtukoh nyiring Laiuoh.’’

‘‘Nohtoaniohrih tuh!’’ hion Yesus, ‘‘Eam tahi hino Ahku ahkan lombut, ahkan ngomin upah, ahkan malos nyinong ulun numbun inon ijo jari io nguaioh.

Roh Pohotala tutang Pongahten Bawi homouh, ‘‘Kanohtoi!’’ Nyinong ulun ijo ngonih tuh harus ka'a homouh, ‘‘Kanohtoi!’’ Iai ijo tohjahbolai pios io lombut! Tutang iai ijo ngojolikoh, pios io ngomin danum, ijo nonga pombolum rih, honong cuma-cuma.

Kosanangrih, ulun ijo muhi jubahoh nyiring borasih, nyiring iro dahpothak, kuman bua tahkan pu'un pombolum, tutang nyolong nokuh lowu rih nguha bauntukang lowuoh.

‘‘Nohtoani tuh!’’ hion Yesus, ‘‘Ahku ahkan bojoin lombut. Sanangmangat ulun ijo mote'etoh auh-auh tujum luwang surat tuh!’’

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.

Io ijo mborihtaoh paring borihta tuh homouh, ‘‘Morong, Ahku ahkan bojoin lombut!’’ Amen! Lombut iou o Tuhan Yesus! Pios Tuhan Yesus nonga borehkat-Oh ahkan paring ukup Pohotala!

Ahkan nyinong ulun ijo ngonih tuhtui-tuhtui tujum ang surat tuh, ahku, Yohanes, nonga pongingat tuh; amat ulun ndahang ang'co aang tuhtui-tuhtui tujum tuh, mahka Pohotala ahkan ndahang hukum ulun rih umba kosusah-kosusah ijo tomihtik luwang surat tuh. Tutang amat ulun monahpas angihco tahkan tuhtui-tuhtui tujum ang surat tuh, mahka Pohotala ka'a ahkan monahpas bagiu-Oh ijo tomihtik luwang surat tuh – yorih bagian tahkan pu'un pombolum tutang tahkan lowu borasih rih.