Popular Bible Verses from YAKOBUS 3

Share

Tahpi ulun ijo anaingina kopihtaran ijo lombut tahkan diang, io sula-sulak samasino borasih, pongohuli jolik hokobuah, bojenta, tutang ponumbun. Io tuwi umba balos kasih tutang mua gawi-gawi ijo pios. Io eam bopihak tutang eam pura-pura.

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

Puna kopiosoh anairih bua tahkan bonyi kobuah ijo tonuhkan bain ulun ijo nyita kobuah!

Ang amoh anai kobohu, tutang sipat kogunan arop bongon, ang anan ka'a sombang korusuh, tutang karo mahcam gawi ijo ja'at.

Ihto monggunaoh ahkan ngohawot torimakasih ahkan Tuhan, tutang Amai ihto, tahpi ka'a ahkan nulat sosama ulun, ijo jari tona'oi numbun tapan Pohotala. Tahkan nyama ijo sama, soluka auh-auh torimakasih, tutang auh-auh tulat. Soharusoh eam kolourih!

Ilat sama kolou baho. Ang behtin ihto, io sama kolou tahasak koja'at, ijo moponanyap koja'at ahkan hopus behtin ihto. Umba baho ijo asaroh tahkan norahka, io monyaha sohopus pombolum ihto.

Tahpi ilat kolunon eam dahpot tonolinok bain ihcobehti ka'a. Ilat rih ja'at tutang eam dahpot tongowasa; tuwi umba sowui ijo mopahtoi.

Konduang-konduang! Ara aro-aro tahkan louk'kam ijo kani monjadi guru. Ihkam kota'an, ijo ihto ijo monjadi guru ahkan tomosara umba labih paham tahkan ulun bohkon.