Popular Bible Verses from 1 TIMOTEUS 6

Share

Hokolahi tu'u-tu'u ahkan bolum kolou ulun Kristen, mangat ihko nyomba'an hodiah pombolum sojahti tutang kototahiu. Kotului ahkan orihrih Pohotala na'ah ihko, ang kotihka ihko ngahku ang toharep aro ulun, ijo ihko porocaya umba Kristus.

Kotului tahkan kasih umba duit, lombut karo mahcam koja'at. Anai 'cobagian ulun ijo hodulu duit nyiring jari eam numbun hino ajaran Kristen, turus iro tonopahas aro kokarot ijo molonyuh ahtoi'ndo.

Puna agama nonga koutung ijo hajo, amat ulun komo sukup umba inon ijo io anai tonginaoh.

Tului earo angihcoka, ijo ihto ngomiu nokuh luwang kolunon tuh, tutang earo angihco ka, ka'a ijo dahpot ihto ngomiu nokuh ruar!

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

Tahpi ulun ijo kani monjadi tahtou, tonihkos tutang tojorat bain bomahca-mahcam kojolikoh, ijo uong tutang ijo morusak. Kojolik-kojolik orih nguan ulun monjadi lonyuh tutang colahka.

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga. Honong kodorih iro nipun ponahtou, ijo monjadi puhku ijo pios, ahkan ohkot ijo ahkan lombut. Tutang umba orih rih iro ahkan ngondahpot pombolum kototahiu, io orih pombolum ijo sojahti.