Popular Bible Verses from OKHUCHIAKA 49

Share

Yuda yakhachinge indabusi yoburuchi, ne abolwibulolwe bakhamihenje khasotso. Abetsinzibulo bakhamuhulilenje nibamuha obusuru, ma nibamusikamila khulwokhumuha oluyali.

“Yosefu afwana omusaala okwaamanga, hamuchela, okwamasaka kakwo kalandanga khwisisi. Abasukube bamuseeranga noburima nibamulondel'la okhumulasa tsisele.

Nebutswa obuyingobwe noburalilu, ne amakhonoke kakufuhasibwa nende obunyali bwa Nyasaye wa Yakobo nende obwo omwayi, Omulindi wa Isiraeli. Nyasaye Wokhunyala Biosi niye okhukhonyanga tsikhabi, Nyasaye onyala biosi niye okhuhetsanga ikhabi, tsikhabi tsieifula okhurula khwikulu khandi etsiamaatsi okhurula hasi, tsikhabi tsiebiayo nende abaana.

“Yuda, abasiani benywe bakhakhwitsoomie, wakhatiile abasukubo m'makosi kabwe nomukhonokwo. Abasiani benywe bakhakhwinamile. Yuda afwana singa esimba, eyiranga ma ekalukha hayamenya ma ekona hasi, ne abulaho onyala okhutsinyasia.

“Rubeni, niwe omwana wanje owokhuranga, khandi niwe tsingufu tsianje. Niwe omwana wokhuranga mulusaatsa lwanje, oli oweinjinia khandi owetsingufu okhuyomba abasiani banje bandi bosi. Ofwana singa emikhula chiamaatsi, nebutswa siwakhabekhwo omukhongo tawe, sichila wakona nende omukhasi wanje omubiikha. Wafwabia esitanda sia papawo.