Popular Bible Verses from OKHUCHIAKA 39

Share

OMWAMI yali nende Yosefu ma amang'ana kosi nikaba amalahi. Yamenyanga munyumba yomwamiwe Omumisiri uyo.

Potifa yahelesia Yosefu ebindu biosi ebiayali n'nabio mbu abilinde ma siyahendel'langakhwo esindu tawe nibirali ebiakhulia ebiayalitsanga bionyene. Yosefu yali nom'bili omulahi khandi naba owelikondo lilahi.

Yakhola Yosefu okhuba omukali wababohe bandi bosi ma khandi naba omusinjil'li wamang'ana kosi akekholanga mububohe yimwo.

ma nara Yosefu mububohe ahabahambe bomuruchi babohelungwa, nabayo mubuhambe. Nebutswa OMWAMI yali nende Yosefu ma namumeeta tsikhabi, ma omulindi womubuhambe nasangasibwa n'naye.

Ne inyuma wamatukhu matu omukhasi womwamiwe nachaaka okhwekomba Yosefu ne namubool'la mbu babe n'naye. Naye nasuula ma namubool'la mbu, “Lola, omwami wanje sahendelangakhwo siosi esiandi n'nasio munyumba tawe, ma wara m'makhono kanje biosi ebia ali n'nabio. Ndi nende obunyali munyumba muno singa ye ne siyanyimakhwo esindu siosi tawe, norali ibe wenyene. Khe ndakhakhola mbwena amang'ana amabi yaka imbeli wa Nyasaye wanje.”

Nebutswa litukhu elala olwa Yosefu yatsia munyumba okhukhola emilimochie, omukholi undi wosi siyalikhwomwo tawe. Yatiila ingubo ya Yosefu naboola, “Yitsa khukone n'nawe.” Nebutswa naye yelukha narula esioba ne nalekha inguboye mumakhono komukhasi uyo.