Popular Bible Verses from OKHURULA 32

Share

Olwabandu balola mbu Musa siyakalukha bwangu okhurula khusikulu tawe, nebutswa yali namenyelekhwo khulwoluhono, bebunjikha aha Haruni yali ma nibamubool'la mbu, “Sikhumanyile akekholekha khumundu uyu Musa owali okhukhwemel'la okhurula musibala sie Misiri tawe; kho khulombele nyasaye wokhwemel'la ifwe.”

OMWAMI nabool'la Musa mbu, “Huchila bwangu oselenjere okhutsia hasi sichila abandu baabo, abawemel'la okhurula Emisiri bakhol'le tsimbi ma bandeyambakhan'ne. Balekhele injila yandabamanyia okhulonda; balombele esimoosi esichulukhi okhurula khutsahabu eyasal'lusibwa ma basiekayakayile nende okhusihaanila omusango. Baboolanga, mbu uyu niye nyasaye wabwe owabemel'la okhurula musibala sie Misiri.

Kho Haruni niyombokha olusambwa imbeli wechulukhi eyalombwa khutsahabu ma naboola mbu, “Mukamba nakhube nelisabo liedini liokhuhaana oluyali khu MWAMI.” Mukamba tsuli kwelitukhu elialondakhwo, abandu baleera emiruko khulwokhusambwa singa omusango ne echindi echiokhulia singa omusango kwobuhambani. Abandu bekhala hasi okhulia lisabo eliamanya ndikalukhana elia abandu okhulia nende okhunywa okhwinji okhusina, nende okhulomba obulina khubakhasi.

Litukhu lialondakhwo, Musa yabool'la abandu mbu, “Mwakhola tsimbi tsingali okhusila. Nebutswa luno nzia okhukalukha okhuniina khusikulu aho MWAMI ali; ma nikanyalikha namureebele OMWAMI okhumulekhela tsimbi tsienywe.”