Popular Bible Verses from EBIKHOLWA 1

Share

Nebutswa olwo Omwoyo Omutsienukhu aliyela khwinywe mwakhahebwe obunyali, ne mwakhabe abakobokheli banje mu Yerusalemu, mu Buyahudi mwosi nende Samaria, kata okhwola khusihesi siesibala.”

Yesu nababool'la, “Tsinyinga nende esaa biakene yako bili mubunyali bwa Papa wanje, ne sikali akenywe okhumanya biakhabe lina tawe.

Olwa bakaana halala n'naye yabalaka; “Murakharula Yerusalemu tawe, nebutswa mulindil'le esihanwa esia Papa yamulaka, esihanwa esiamwahul'la nin'nomangakhwo. Okhuba Yohana yabaputisanga mumaatsi, nebutswa inyuma wamatukhu matu, inywe namubaputiswe no Mwoyo Omutsienukhu.”

Khulwoluhono lwamatukhu amakhumi kane inyuma wokhufwakhwe yalolekha khubo esiakhenji mutsinjila etsiamanyia kololi mbu yali nali mwoyo. Bamulola, ne nal'loma n'nabo khukobwami bwa Nyasaye.

Olwa yali namal'le okhuboola amang'ana yaka yabukulwa okhutsia mwikulu bosi nibalolanga, ne lilumbesi nilimubisa, sibali abanyala okhumulola khandi tawe.

Olwa bali nibasihenga ikulu, naye natsitsanga, nonoho abandu babili abali nibebikhile tsingubo tsindafu basinjila ahembi n'nabo, nibaboola, “Inywe abandu ba Galilaya, busina musinjiye yaha nimuhenga mwikulu? Yesu uyu, obukuywe okhurula khwinywe nahilwa mwikulu, yakhakalukhe singa obwa muluutsi natsitsanga mwikulu.”