Popular Bible Verses from GALATIA 3

Share

Imik Neyung yub ek ara, ”Gal ikoka oboka dibeknya bera, weil malyaʾ glokeknya bek ulumla,” aro momnya dobok. Bok wenyek dara, Kristus adya nunsamba weil malyaʾ glokeknya dangasukaʾ adya, nunda unuwanalum an yub ek ab weil malyaʾ gloksukaʾ ak ab, hweboka blebsuk.

Ugunda nidyaʾ Yesus Kristus lomok hnonok dangoka ululumaʾ anasa, Yahudi nimi gom, Yahudi gom nimi gom, nimi sikbeyok dangoka ulumak nang gom, oruknaʾ nang gom, gelewa gom, nengmabo gom ara, webnaʾ orokaʾ ak ululum.

Dara, ugunda Kristus alja mab ulumun dara, Abraham nang yilaʾ dangoka ululum. Anasa, ugunda Imik Neyung adya Abraham bek eleganesin amokaʾ ak dobnelum nang ek ululum.

Kristus adya hweboka blebsuknya nera, anadya wera Imik Neyung adya Abraham bek an perobaʾ eleganenggen amoknya nera, nimi Yahudi gom nimi hnon Kristus Yesus pik uboka, dobnokaʾ aboka ubsuk. Wera anadya hnon, nu Yahudi gom nimi bok, Imik Neyung adya eleganesin amok Geisinya era dib senenaʾ adya dobnokaʾ aboka ubsuk.

Momnya dobokaʾ ara, ”Nim ara perobaʾ dibaʾ nenewoka ulumnamak nim ara, dib senenaʾ adya ulumnamak,” alamlaʾ anasa, unuwanalum an yuba momnya dobokaʾ unulumakaʾ adya dara, Imik Neyung hogung ak perobaʾ nenenggulusil.