Popular Bible Verses from EPESUS 6

Share

Nunda nimi sirikaʾ ab mala weboka oldanggulumab bok, alda imik garan denaʾ ak sam wenewoka bo usinaʾ ab, senenggom unaʾ ab, wen gunaʾ ulumla sokok an bisaʾ dub unaʾ ab, gobdo malya ulumak yu bisaʾ unaʾ ab, oldalamab.

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

Iblis adya yokaʾ-yokaʾ ak bobgeregoka dulusilaʾ ak sam, ugunda pe mel-mela we seklelulumaʾ aboka, ugunda Imik Neyung adya yina mala senga nidyaʾ boboka eneklelulum.

Anasa, malya unaʾ lanawanamla salek enyek, ugunda pe ganya migibaʾ anyek saawoka oldalamunukanya, yokaʾ-yokaʾ nidyaʾ unubgogowoumun dara, bisaʾ ab obdangdibigemunaʾ ara, ugunda senenggom obsimenggom nanga dangoka sekmoublulumaʾ aboka, Imik Neyung eleklesil yina mala senga nidyaʾ boboka eneklelulum.

Onoʾ hnon, Imik Neyung ak dib senen ganya enyek, bisaʾ mala leilinaʾ dibaʾ bololulum. Wera an dib senenaʾ enedya, bisaʾ adya uk sirikaʾ mala naklesilaʾ nidyaʾ ara, saranggeldilimnelum. Ugunda nimi blebsinaʾ damok anyek, girik huk goulunaʾ dibaʾ goulumunukanya, Imik Neyung yub ak dara, Imik Neyung Geisinya bedya yina mala dibaʾ doboka bolomnelum.

Wera anasa, ugunda hyak pe diri uboka welsinilelulum. Ugunda perobaʾ nenesinaʾ anyek goukwa noronaʾ dibaʾ norowoka, jong ununaʾ anyek girik seng anasoʾ anyek enegoka, we seklelulum. Imik Neyung adyaʾ perob lero yanggan yuba, ganya heklamlaʾ anyek, lero yabalemnamna senenaʾ anyek, ugunja ganya ak yan ongonaʾ dibaʾ ongowoka ulululum.

Anya wera, ugunda Wenelesilnya lomok uboka, migibaʾ ak ulululum. Alja senenggomaʾ unulamla migibaʾ ak ab doboka ulululum.

Imik Neyung adya, ugunda unulumun dara, perob danasil aboka men orugoka, ”Anjaʾ neyunga genong ak lok ganya boboka giblelom,” wenyaboka, ”Anyek unulumen dara, anda sokok anara senenya loboka pe ubwenewanalam,” hyokaʾ anasa, ugunda nauba nimi yuba pe keboka unulululum.

Wei, memab o! Dib nongnya perobnya nera, ugunda Wenelesilnya bedya unuwanok senelesilaʾ anyek, ugunjaʾ neyunga genong adya yuba pe keboka unulululum.