Popular Bible Verses from 1 KORINTUS 9

Share

Nimi nidyaʾ bik-bik henemab bar aboka, sunulsinilimakaʾ ak sam ara, yokaʾ nidyaʾ ara ganya siklebdaboka ulumak. Ban siklewoka pe sunuwoka ulumaknya nera, pewanya dara, yalaklamla esaʾ kweb ganagameijaʾ ak dobnamna senewoka, anara unulumak. Bok nuk dara, yalawanggunumla esaʾ enyek kweb ganaganesilaʾ anasa, yokaʾ-yokaʾ nidyaʾ ara, pe yeiriwoka siklewoka unulumab. Anasa wera nak dara, banyek dobnamna senenadyok, nara pe sidyaʾ ak bik-bik al balamna. Wera onoʾ soruk mal oldalamna ak anaba, nara salyaʾ lelem oro yabanggulumna.

Nadya nong enera pe mel-mel aboka, nauba sunubdangoka diri uldalamna. Ban unulunanya nera, nadya yok nim ek nauba leboka glinyebok, eimik sum era, na nong anyek lobnelyek aboka, anara unulamna.

Nimi bik-bik al balamakaʾ ak ara, nimi nidyaʾ neikebok bik-bik ab einimna bok, ben hnonok men binya bok deknaʾ dolomlaʾ ara, ugunda ella ululum. Anasa wera, ugumbabya deknaʾ dobnemab senewoka, hyak pe yeiriwoka bik-bik al balalulum.

Dara, onoʾ yuba doboka ganya kanaʾ orok nimi sik gangganek anaba, na ulumna dara, nara yuba doboka ganya kabnenggunanya benesoʾ ak ulumna. Nera sik nong anyek, Kristus ak sam doboka bo younunaʾ aboka, sene uro yabalamna. Anasa al ban nadya nidyaʾ unulunanya dara, yokaʾ-yokaʾ nidyaʾ unulamnya pik anyeb uboka, sik nong anyek, Kristus ak hnon bleboka bo yousununaʾ aboka, nidyaʾ ara uro yabalamna.