Popular Bible Verses from Kem Lingón 91

Share

du se yóm tau gembek mon du mò ke Dwata, “Són uu, Dwata, gónóhu gel heklung ne gónóhu gel hofin. Són uu yóm dou Dwata, són béléem gónóhu smalig.”

Yóm tau tendo hofin bè Dwata ne ke henek bè kofinen du, yóm Dwata laen dù là gbeken du

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Yakà wen hógów Dwata gu bè longit mò mentey kóm balù kihu gónóm e solu.

Yó kmoen kóm, lómón ke onuk, lenambungen uu laan hafaken, ne laen kô dù hemenem. Yóm là konol nawahen ebéléem, yó se mò ofinen kóm ne mò klungen kóm.

Lemwót bè yóm khofinem ke Dwata, ne yóm keheklungem bè yóm Hol Dandónen Geta bè kdéen, yó gónón laen dù gfà tódô kóm, ne gónón laen dù tau gel mò sidek hloni bè gónóem.

Abay se yóm Dwata, gbeken hemseng du ebéléem yó kem angat gel tô gfaem. Hensengen ebéléem snéen yó kem des mit hatay.

Anien ke lemibu tau matay masà klohokem, ne sfolò libu masà gu hilolem, laen kô dù tódô béléem.

Béem knikò yó kem knikò sut kifu, duhen ke yó kem tódô muluk ebéléem kemdaw, duhen ke wen des gónó mahil gbót tódô sut kifu, dalang se ke wen sidek mit hatay sut kemdaw, béem knikò lu.