Popular Bible Verses from Kem Lingón 31

Share

Yu kem tau nefet nawa le Dwata, hol ye hbegel, hfól ye nawa ye.

Denge nô lem hólólem efet kól elem hulin kdaw. Hol lenwaem ou bè yó kem hohonu tendo kemtes huli dou.

Tey bong, Dwata, yóm alì kehyuhem. Tey kbasahem kul yó kem tau wen klikò le kóm. Deng tey bong gendengem bè yó kem tau hofin béléem igò le temngel yó kem tau bè klamangen benwu.

Okóm, Dwata, són uu yóm dou snalig. Yó udélu, monu, “Uu se dou Dwata.”

Uu se yóm botu gónów heklung ne gónów hofin. Hol nalakem ou anì gewae bè ni mò gónón megdóyón yóm kóm boluy

Hogotu kóm yóm klowilu, Dwata. Hol lenwaem ou, yakà uu du yóm Dwata teneb béléu.

Yu kem tau gel mò du yóm kun kóyô Dwata, hol kenbong nawa ye Dwata. Sal gel nofinen yó kem tau teneb lemolò du. Okóm yó kem tau heklabak, tey sidek ktafaken kul.

Ó Dwata, són béléem gónów hofin. Hol tnóbóngem ou anì laen dù gónów myak. Lemwót bè yóm tey ktedengem, hol lenwaem ou.