Popular Bible Verses from Kem Lingón 112

Share

Là kô le likò anien ke sidek tulón sut bélê le, abay se tey mbegel ksalig le du yóm kehtahu le ke Dwata, mò semgyok kul.

Hol dóyón tekuy Dwata. Hligal kun yóm tau wen klikoen ke Dwata, tendo hyu kegnómen du bè kimónen yó kem hlau Dwata. Yó kem ngaen, angat le tey mbegel lem benwu. Ne yó kem semfu gu béléen, angat tey któbóng Dwata kul.

Là kô dê tnafa nawa le yó kem tau yó, laen dù knikò le. Tódô tngón le laen kô gmò le bélê le yó kem hmohon kul.

Anien ke nô lem gónón kmifu yóm tau hyu kmoen, sal gel hlayag Dwata lanen. Hulung le bemlay ne hulung le kmodu, ne tedeng kmò le.

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Yóm tau lómón yó kmoen, là kóen gemmò béléen yó kem sidek. Yóm tau tedeng kmoen tendo gel hentulón nawa kem dumuhen tau.