Popular Bible Verses from Nihimaya 1

Share

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du

“Ó Dwata yóm sana kum Dwata hol gónó me mogot nô bè longit. Uu se yóm hol dandónen geta, yóm Dwata knóón bang knikò. Là kóen mkó bè nawahem yóm tehe kesfasad ye yó kem tau kembong nawa kóm, yó kem tau mimón yó kem hlauhem. Kudungi do edini, Dwata, hol hnungolem do yóm hnihu. Knoyungu kdaw ne kifu mni bè yó kem tau Israél tóbóng lówóhem. Tódô benkasu béléem, deng me gemsalà béléem mi kem tau Israél. Denge gemsalà béléem dalang se yó kem gónóhu gu semfu.

Kudungi do edini, Dwata, hol hnungolem do yóm hnihu. Knoyungu kdaw ne kifu mni bè yó kem tau Israél tóbóng lówóhem. Tódô benkasu béléem, deng me gemsalà béléem mi kem tau Israél. Denge gemsalà béléem dalang se yó kem gónóhu gu semfu.

Tey sidek yóm nmò me béléem lemwót bè yóm là klolò me du yóm kdê hlauhem. Là kô dog nimón me du yó kem hlauhem kum tehe hlanem bè Musis yóm tau tóbóng lówóhem. Hentulónem nawa yóm tehe monem mò ke Musis ekni, ‘Ke monol nawa ye ebéléu yu kem tau Israél, gotu senklahu yu elem blóng yó kem tólóng but tau bè dumu benwu. Okóm ke bud ye semfulék ebéléu ne nimón ye yó kem deng hlauhu kuy, bud nwitu yu semfulék ebè yóm benwu deng néléku mò gónó ye tmaba ebéléu. Baluen he ke deng negef le yu ebè tu kem benwu són tonok, kaem bud nwitu yu mulék he.’