Popular Bible Verses from Mark 1

Share

Timbow deng hayahen bè yó, hanà tolo kifu sana btik Jisas nan e mebel gónón tinof mò gónón mni ebè Dwata, bede malù mayuk yóm gónón e solu.

Yó gel tulónen, monen, “Ni se deng bang kgefeten yóm kuy kdaw. Móyónen hto ne yóm buteng Dwata mogot tau. Hegsel ye ne, knogol ye lu ne yó kem sidek gel nmò ye, ne hol hentahu ye yóm Tulón Hyu lemwót bè Dwata.”

Timbow hahun gu lem él Jisas, tódô tonen hnas longit, ne tonen se yóm Tulus Dwata htuntun etahen gu tta, hol lómó kmoen obun. Ne sen-geng yóm udél gu bè longit, monen, “Uu se yóm hol dou Ngà tendo gónón nô nawahu. Tey kligalu béléem.”

Béléu dou, él gel babtaysu kuy. Okóm yó kun kmò kbabtaysen kuy, suen bélê ye yóm Tulus Dwata.”

Tódô mon Jisas mò kul, “Ó kem tau hmuket, mung ye do ne. Wen tles hmou kuy, hebelu yu tau mò lemolò do.” Tahu se, tódô kendel tebel le huket le, ne mung le ke Jisas.

Tey keseftaw le du yó kem tau hmungol du, abay se là mkélen bè yóm kul ktolok yó kem tau gel tmolok hlau bélê le. Alì mfasang yóm kun ktolok Jisas.