Popular Bible Verses from Jirimaya 23

Share

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.

Yó bud udél Dwata, monen, “Angat kól yóm kdawen wen tau hol geta néléku lemwót bè ból Dabid, tey tau tedeng kmoen. Yó angat taba le du, Hanga Tedeng. Yóm tau hol geta angat néléku yó, tey hulung bè yóm kogoten tau ne hono tedeng yóm gel nmoen bè klamang yóm benwu knamalen. Bè yóm angat kogoten benwu, angat le gotu gewà yó kem tau bè Juda ne laen kô dù hemen le yó kem tau Israél. Yó angat taba le du, ‘Yóm Dwata mit kut tedeng.’

Yó udél Dwata, monen, “Ya tey sidek angat ktafaku kul yó kem tau gónó le gel galak yó kem dou tau, abay se deng gotu hensidek le yó kem tau hesegyoku kul ne deng gotu senkla le lu.”

Okóm yó angat nmou bè yó kem dou tau, gotu bud sentifunu lu yó kem dù tebel bè yó kem benwu deng tehe gónóhu e semkla kul. Gotu bud nwitu lu semfulék ebè yóm tehe kul benwu ne angat tey bud kból le bè yó. Angat wen kem tau snaligu mò malak kul. Laen kô dù bud knikò le ne yó kem dou tau ne laen se dù lana bélê le balù sotu,” mon Dwata.

Yó udél yóm Dwata laen dù là gbeken du ebè yó kem tauhen bè Jirusalim, monen, “Wen eles hetgamahu yó kem dou tau. Hol bê ye abay hnungol yóm kul tulón yó kem tau tmugod yó, abay se yóm tulón le kuy yó laen kô dù nefet nawa ye du, tulón là tahuhen. Tulón le kuy yóm nô lem hendem le, là kóen lemwót béléu.