Popular Bible Verses from Isaya 49

Share

Yó balà Dwata kul, monen, “Gbek yóm libun kô kmifót yóm ngaen hanà hulô ne là dog kenbong nawahen du yóm kun ngà hesut? Anien he ke gbek yóm yéen kmifót yóm ngaen, okóm yó dum dou là kô naw e gbek klifót kuy.

Ó Jirusalim, là kô naw e gbek klifót kóm. Deng eles snulatu lem hólólu ne yóm kóm boluy.

Yó bud udél Dwata, monen, “Okóm yó se angat dou nmò. Angat lenwau lem hólól yó kem sendalù yó kem knukub le. Gotu nwahu yó kem kimu deng negef yóm tau hol geta alì lóbô. Gotu senfatayu yó kem tau semfatay kuy ne lenwau yó kem ngà ye.

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Ó kem longit seglafin, hol ye semngal dé. Ó Tonok, holi hligal mensag dé. Dalang se yó kem bulul, hol ye semngal. Angat henyu Dwata nawa yó kem kun tau. Ne yó kem tau alì glayam, tey kkoduhen kul.”