Popular Bible Verses from Isaya 33

Share

Tey kehbegelen yóm kbenwu le ne tendo gel nofinen yó kem tauhen. Benlayen lu khulung hedem ne ketngón. Yó hol mebtes du yóm blayen kul, duhen yóm klikò le du.

Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Ke wen bud mlan bè yó, gotu sidek yó kem htegen, baling laen dù bud muhen. Là bud gbek le mból du yó kem layalen. Yóm kdê kendengen yó kem hohon bè yóm kafal yó, gotu nwa tekuy. Ya tey kwenen, balù yóm tau tugô sana kwen kun nwa. Dwata se yóm hol geta bélê tekuy. Du se hol mogot tekuy ne mofin tekuy.

Song gónó ye mowil kuy bè yóm ofi yó ke tedeng yóm gel kebkó ye ne ke tedeng yóm gel nmò ye. Béem nwit yóm kwen boluy ye mò smukat yó kem tau élél. Hol bê ye henmóyô ke wen tô blay le kuy mò wa nawa le. Hol bê ye abay mung bè yó kem tau matul monok, duhen ke wen dumu sidek natul le. Ke ni se gel nmò ye, laen kô dù hemen ye. Hol lómón ke nô ye lem yóm gónó heklung mbegel. Laen dù gónó ye élél bè ken ne bè ninum ye.