Popular Bible Verses from Isaya 30

Share

Ke wen gónó ye tlas bè yóm lan lolò ye, bè iwóng ye duhen ke bè kwanan ye, wen udél Dwata gungol ye gu tekwang ye monen mò kuy, “Ni dé lan lolò ye.”

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Wen udélen ebè yó kem tauhen yóm Dwata hol dandónen geta, yóm Dwata yó kem tau Israél yóm laen kô dù belenen. Yó monen mò kul, “Bud ye mulék ebéléu. Ke tódô ye henek béléu ne ke hol ye smalig béléu, wen kgis ye ne laen kô dù bud knikò ye.” Okóm mom là dog ye móyô mimón du yóm udél Dwata yó.

Bè Dwata se gónón lemwót yóm kgel klowil ye. Bede bè yóm kgelen yó, deng eles nô bélê ye mò tmolok kuy. Là bud nebel ye du ne ke tedu gónóhen nô.

Yu kem tau nô bè Jirusalim laen dù bud nkik ye ne. Yóm Dwata tey kkoduhen tau. Ke hol ye mni tóbóng béléen bnalaen yu.

Ni se deng udél Dwata, monen, “Deng le gotu golu elem hatay ne yó kem tau malak bè Juda lemwót bè yóm kkogol le do. Tódô lolò le yóm atul là lemwóten béléu. Sundu dou kóyô du yóm gel senkotuk le bè dumu benwu. Lemwót bè yóm nmò le yó tendo temnù yóm salà deng gel nmò le.