Popular Bible Verses from Glasya 6

Share

Duhen yó, bê tekuy abay htakas mò du yóm hyu, abay se angat wen tey guta tekuy du ke là htakas tekuy.

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Hol tnóbóng ye kem dumu ye ke wen alì blat bélê le se kul. Ke yó se nmò ye, deng glolò ye ne yóm kun hlau Krays.

Bê ye hegsukat knô ye. Laen kô dù tau gemsukat ke Dwata. Yóm tau ke wen huluhen, yó se nutahen.

Bud lómón yó se yóm nmò tekuy. Ke tódô loloen kun knóyô yóm tau, angat gutahen hatay laen dù sónen. Okóm ke loloen yóm kun kóyô yóm Tulus Dwata, angat gutahen klowil laen dù sónen.

Ó kem dumuhu setwoli, ke wen ton ye sotu bè yó kem kuy dumu hemtahu wen gónón btang bè kloloen ke Dwata, hol hen-ganag ye nawa ye tmóbóng du, yu kem tau gulit kloloen du yóm Tulus Dwata, anì mulék hyu se kun. Okóm eles ten-gama ye, kô wen gónó ye gsindil se kuy.

Ke yó hendem yóm sotu tau hono hyu yóm gel nmoen, olohen mom tmundug knóen yóm tau yó. Yake ket tau dé hol hemklol du yóm kun kmò. Ke hyu, baling gsengel nawahen gemnóm du, là bud hegetahen du yóm kun nmò bè yóm nmò yó kem dumuhen. Kaem ket tau se smolu du yóm kun nmò.