Popular Bible Verses from Isikél 33

Share

Okóm ni se udél yóm sana Dwata hol dandónen geta, monen mò kuy, ‘Yóm tulónu kuy ni, safau bélê ye hlanu bè yóm là katayu. Là kóe hligal du ke matay yóm sotu tau igoen tolo nô tahen yó kem salaen. Hyu nawaw ke tenfloken yóm kmoen sidek anì mowil. Ó kem tau Israél, tenflok ye ne yó kem sidek gel nmò ye. Moen de ke móyô ye kendel matay?’

Duhen yó, Tau Tonok, nmou uu mò mentey yó kem tau Israél. Yó gónóm mon, hol hnungolem yóm udélu anì eles wen hetgamahem kul lemwót béléu.

Okóm ke eles wen hetgamahem du anì hegsel ne là dogen móyô hegsel, angat matay yóm tau yó igoen tolo nô tahen yó kem salaen. Okóm là kô ntuku du béléem yóm katayen yó.”

Okóm yóm tau mentey yó, ke tonen yóm ksut yó kem hohon le ne ke là dogen mféw mò gónó le getgama yó kem tau, angat ntuku béléen yó kem tau matay. Tódô le matay igoen tolo nô ta le yó kem salà le, tódô angat ntuku bè yóm tau mentey yó yóm katay le.

Deng gungolen yóm uni mò hetgama ne là dog kenmónen du. Yó gónóm mon, kun salà ke matay. Ke tehe nimónen yóm eles hetgama du, là kóen na a matay.