Popular Bible Verses from Kehewà 8

Share

Lemwót yó kem tau gel demwata, tô nmò le se kul okóm là kô gmò le du. Tey lifet wen bè klamangen Idyip ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Omin Dwata bud mon du mò ke Musis, “Budi mógów dou ebè Faro ne monem mò du, ‘Yó udél yóm sana Dwata hol gónó mogot, monen, Hol hewótem lu ne yó kem dou tau anì na le e tmaba ebéléu.

Timbow ton Faro yóm deng gotu katay yó kem fak yó, mom bud mulék mgel kuluhen. Là kô nan e hnungol kul le Musis ne Aron, hol lómón yóm deng mon Dwata.

Ke là móyói, ngem tnafaku yóm benwuhem mlan bè kehwitu yó kem tey fak wen.

Omin Dwata bud mon du mò ke Musis, “Tulónem ke Aron fesen bè tonok tugeden anì tódô baling lifet yóm kfung bè klamangen Idyip.”

Tahu se hayahen bè yó, tódô kmifu lenged hwit Dwata ebè gónô bong yóm Faro ne ebè gónô yó kem genlalen. Tódô hono lenged bè klamangen Idyip, gotu hensidek le yóm benwu yó.