Popular Bible Verses from Kehewà 32

Share

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o. Deng sana tebel le yóm lan hlolou kul ne deng wen ngà safì tudu tenwél le gu bè blówón ne tmaba le ebéléen ne demsù le ebéléen. Yó mon le, mò dwata lennged le kun, yóm mit kul hewà gu bè Idyip.

Tikóng ton Aron nim nmò le ni, ominen semsodò botu bè solu yóm ngà safì blówón yó mò gónón demsù ne yó heglalagen, monen, “Haya mò tekuy ken mò gónó tekuy dmóyón, yóm sana kum Dwata hol gónó mogot.” Timbow hol hlafus bè yó, wen kem ógóf nwit le mò dsù hkekeb le ebè Dwata ne wen kem dumu nwit le mò ken le bè yóm kessotu nawa le. Tikóng deng deng yóm kedsù le, omin le gotu stifun mken ne omin le gotu hlengel ne hbusaw mò samuk.

Hayahen bè yó, yó mon Musis bè yó kem tau, “Tey gedlug ksideken yóm salà nmò ye. Okóm ni naw bud mneged eta bulul bè Dwata, nénég ke wen lanu hkodu bè Dwata anì hnifóten yu bè yóm tey salà ye ni.”