Popular Bible Verses from Kehewà 20

Share

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek. Bê ye abay tmaba ebè yó kem dumu dwata lennged, són ou.

Bê ye abay mò yó kem dwata lennged lemwót bè yóm gel ton ye gu bè longit duhen ke gu te tonok duhen ke gu lem él laan tonok. Bê ye abay mtud bukol bè yóm dwata lenbù, duhen ke tmaba ebéléen abay se ou yóm sana kuy Dwata hol gónó ye mogot. Tey sidek kélés nawahu du ke wen dumu dwata gónó ye tmaba. Tnafaku yó kem tau kembê do, gomong megtafak snéen yóm tanay lugod le efet kól bè gfaten.Okóm bè yó kem tau kembong nawa do ne mimón yó kem dou hlau, hegfanu bélê le yóm tey nawahu kul efet kól bè hilu libu bud lugod le.

Hol nadat ye mà ye ne yê ye anì tahà ktau ye ta yóm tonok blayu kuy.

Hol hetfing ye yóm Kdaw Kehegnô ne hol béen abay wen nulé ye bè yó kem hlolou kuy bè yóm kdaw yó.

Bê ye tódô óyô moluy du yóm dou boluy. Yakà ou du yóm sana kuy Dwata hol gónó ye mogot. Tnafaku yóm tau tódô faen moluy du yóm dou boluy.

Wen nem kdaw ye mò du yóm kuy nmò okóm yóm kdaw ghituhen yó se yóm Kdaw Kehegnô hetfing ye ebéléu. Bè yóm kdaw yó, béen abay wen bélê ye mò nmò, balù uu ne yó kem ngaem ne yó kem hesekem ne yó kem ógófem, duhen ke kem tau milo nô bè yóm kuy benwu, hol bê le abay mò nmò.

Hol bê ye abay nófô gónô kedumu ye. Bê ye abay nófô yehenen duhen ke kem heseken duhen ke kem safien duhen ke kem kudaen duhen ke yó kem dumu nfunen.” Yó se yóm sfolò hlolò Dwata yó kem tauhen.

Bê ye abay tnifù kéng kem dumu ye.

Bê ye abay mdà yehen.

Bê ye abay monok.

Bê ye abay mnagaw.