Ne yó nmò Murdikay, gotu hsulaten kdê ni kem ni ne wen sulat hwiten ebè yó kem Ju bè klamang benwu Pérsya, lenwóten bè yó kem Ju menwu moni bè Susa efet kól bè yó kem Ju menwu mayuk. Yó lem yóm sulat hwiten, tódô ket halay le hmigal du yóm gesfoloen fat kdaw ne gesfoloen limu kdaw bè yóm bulón Adar. Ni se yó kem kdaw keglà kem Ju kul yó kem hohon le. Ni se yóm bulón hol kbalingen kligal yóm tehe alì klangag le. Yó hmò le kul, mò le ken bong ne gel wen senblay le ne bud gel benlay le yó kem tau élél.
