Popular Bible Verses from Dwata 10

Share

Duhen ni kem tau Israél, tedu se yóm hol nóyô Dwata bélê ye, yóm sana kuy Dwata hol gónó mogot? Yó nóyóen ke hol wen klikò ye du ne ke tendo nmò ye yó kem kun hlau kuy. Kóyóen ke kenbong nawa ye ne hewót ye bè nawa ye yóm klolò ye du ne hol nimón ye yóm kdê kun hlau kuy, yóm tulónu kuy kemdaw ni. Yó se yóm mò kuy kehyu.

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Yó gónóm mon, hol hfun ye ke Dwata klowil ye, bê ye abay bud hgel kulu ye.

Sal gel nfihen yó kem ngà hikit ne yó kem libun bolu. Kenbong nawahen se yó kem tólóng tau menwu lem blóng tekuy, benlayen lu ken ne nes.

Hol gel dóyón ye yakà du se yóm kuy Dwata ne deng tódô kuy mata se mton du yó kem tey hentaw ton tehe nmoen mò gónón tmóbóng kuy.

Hol knikò ye yóm sana kuy Dwata hol gónó mogot ne olon du gónó ye e tmaba. Hol ye hteneb mimón du ne olon bè boluyen gónó ye gel hlan du ke wen fasad ye.

Ngem yóm longit hol geta ke Dwata funen. Ne bud kun snéen yóm tonok ne yóm kentihen nô tahen.

Duhen yó bélê ye se kuy, hol kenbong nawa ye yó kem tólóng tau menwu lem blóng ye, yakà tehe ye tólóng tau menwu bè Idyip se kuy.