Popular Bible Verses from 1 Kurin 3

Share

Deng tngón ye se yóm lówó tekuy kun gónô Dwata, ne deng nô bélê tekuy se yóm kun Tulus Dwata.

Yóm gónô hdà me yó, laen kô dù dumu tud blóngónen, tek sotu, duhen Jisas Krays.

Kihu tau mò hulu, ne kihu se tau temwél du él. Okóm yóm alì bong muhen yóm fen htowok du, duhen Dwata.

Nim mi, stóbóng me mò nmò bè Dwata. Ne yu, hol lómón ke kun tniba Dwata. Sotuhen, lómón ke yu yóm gónô hdà Dwata.

Bè yóm kdaw kdà tekuy bè solu Krays, yó he kegfanen yóm deng leket tekuy du yó koni, ke hyu duhen ke là. Bè yóm kdaw yó, wen ofi gónó le tmilów du yóm gel nmò ket tau, nénég le ke là mlóben.

Yóm tau mò hulu ne yóm tau fen temwél du él, laen kô mtukul geta bélê le. Angat wen ofol blay Dwata kul yóm ket kul na sotu, yóm tódô geblà bè yóm gel nmò le.

Bê ye tnondo knô ye. Laen kô gónón e kól yóm tau snaligen yóm kun ketngón. Ke wen sotu bélê ye hendemen tey bong tngónen bè yóm ketngón tau te tonok, hol béen abay tódô dò yóm ketngónen yó. Mom hyu he yóm tau ke laen dù tngónen anì là gsengen ebéléen yóm tahu ketngón lemwót bè Dwata.